Վարկային արձակուրդների հնարավորություն Արցախում կա. Գրիգորի Մարտիրոսյան

Վարկային արձակուրդների հնարավորություն Արցախում կա: Այս մասին, այսօր՝ ապրիլի 14-ին Արցախում նախագահական ընտրությունների քվեարկությանը մասնակցելուց հետո լրագրողների հետ զրույցում նշեց Արցախի պետ նախարար Գրիգորի Մարտիրոսյանը:

Նա հիշեցրեց, որ Արցախի եւ Հայաստանի ֆինանսական համակարգերը մեկ ամբողջական համակարգի մաս են կազմում. «Այսինքն Արցախում գործում են ՀՀ բանկերի մասնաճյուղերը եւ դրանք առաջնորդվում են Կենտրոնական բանկի ընդհանուր կանոններով: Այդ առումով մենք մեկ դաշտում ենք գտնվում:
Երկրորդ, պետական վարկավորման կառույցների միջոցով, այսինքն, օրինակ Արցախի ներդրումային հիմնադրամի, Գյուղի եւ գյուղատնտեսության հիմնադրամի կողմից վարկավորման դեպքում մենք այդ որոշումն արդեն ընդունել ենք եւ հնարավորություն ենք ստեղծել մեր տնտեսվարող սուբյեկտներին վարկային արձակուրդից օգտվելու համար»,-ընդգծեց պետնախարարը:

Տեղադրվել է: f2020-11-12 13:30:03, Դիտել են: 3294